اٹلی کےسیسلی کےایک یونین کونسل کااخوال۔

ہم بات کلتانسیتہ یونین کونسل کی پسماندگی کےکررہےتھے۔اتنا پسماندہ علاقہ ہونےکےباوجود بھی نہ صرف اس یونین کونسل کے لوگ خوش تھے بلکہ پورے سیسلی کے لوگ بہت خوشحال زندگی گزارتےہیں۔اسکی سب سے اہم وجہ یہ ہےکی یہاں کے سیاستدان اور بیوروکریٹ چور اور کرپٹ نہیں ہیں۔یہاں جتنی ریونیو یعنی پیسہ قومی خزانہ کو آتاہے اتنا ہی عوام کی فلاح اور تعلیم و صحت پر خرچ ہوتاہے۔

اس ایک یونین کونسل میں ہر مرد و عورت کو ڈاکٹر کی سہولت مفت میسرہے۔یہاں کے قانون کے مطابق ہر باشندہ بشمول ہم جیسے امیگرنٹس کےلئے اپنا ایک زاتی معالج دیاجاتاہے۔سب سے پہلے علاج کےلئے اس ڈاکٹرکےپاس جاناہوگا۔اور اگر مریض دوائی خریدنے کی استطاعت نہیں رکھ سکتا تو ڈاکٹر انکے پرچہ پر ایک سٹیکرلگاکرانکو فارمیسی سے فری میں دوائی مل جاتی ہے۔اسی طرح تعلیم کے میدان میں بھی ہرلیول پر لاتعداد سکولز اور انکےاندر اعلیٰ قسم کی تعلیم میسرہوتی ہے۔انکے سکولوں میں ہم جیسے باہر سے آئےہوئےلوگوں کےلئےبھی فری میں اطالوی زبان سیکھنےکی کلاسز دی جاتی ہیں۔سکولوں کےاندر ہرعمرکےبچوں کو کھیل کھود کے تمام مواقع میسرکئیےجاتےہیں۔فٹ بال سے لیکر باسکٹ بال اور والی بال تک جبکہ سائیکلنگ سے لیکر سویمنگ تک۔ان سب کھیلوں کے مواقع اورمیدان موجودہیں اور ان میں بچےکھیلتےہوئےہم نےدیکھےہیں۔اسکے علاوہ بچوں کےلئے اس قسم کے تمام کھیلوں کےانڈورمیدان بھی بنائےگئےہیں۔اسکے علاوہ یورپ کے ہر یونین کونسل میں بےروزگاری کی الاونس دی جاتی ہے۔جو ملک اور یونین کونسل کی اقتصادی حالت پر انحصارکرتاہے۔بیلجئیم اور آسٹریا میں نو سو سے ایک ہزار یورو ماہانہ بےروزگاری الاونس ہرکسی کو دی جاتی ہے۔لیکن سیسلی اور کلتانسیتہ میں یہ دو سو سے تین سو یورو ہوتاہے۔باقی اٹلی کےمقابلےمیں سیسلی بہت زیادہ پسماندہ ہےمگرتمام سیسلی صوبےکے لوگ بہت مخنتی اور جفاکش ہیں۔اس صوبہ کی آمدنی کا زیادہ تر انحصار زراعت اور کاشتکاری پرہے۔

یہاں کی زبان پر عربی کا بھی تھوڑا بہت اثرنظرآتاہے۔جبکہ یہاں کی اطالوی زبان باقی اٹلی کےزبان سے چند الفاظ کے لحاظ سے مختلف ہے۔

تحریر؛نجات خان مہمند۔ (منزلوں کی تجسس سےایک اقتباس)